Omosangererekano bwe Rituko ri’Omonene--- Draft for proofreading

2. Omosangererekano bwe Rituko ri’Omonene

Ensemo ya Kabere: Emesa y’Omonene

[I have made several corrections to typographical errors in Moterere Omonene, however I am sure that I have introduced more typographical errors of my own. This text is for proof reading before setting the text to the musical parts.]

Moterere Omonene pp. 283-291

Ogotera: (Okwebeka ang’e ase Emesa y’Omonene)

VI. AMAKWANIA NA OGOSABA OKONENE GW’OKOIRANERIA NG’A MBUY MONO (PREFAITO)

(Omorisia aonchokere omosangererekano)

Omorisia:

Omorembe obe nainwe.

Omosang:

Obe nenkoro yao.

Omorisia:

Imokia emioyo yaino.

Omosang:

Twayeimokirie ase Omonene

Omorisia:

Na tomotogie Omonene Nyasae oito.

Omosang:

Netogwenerete naende mboronge

(Omorisia aonchokere egesasimero)

Omorisia:

Netogwenerete, naende mboronge, kera engaki na ande onsi kogotogia aye Omonene Omochenu, Tata Omobui, Nyasae o kare na kare, ase Yeso Kristo, Omonene oito.

Ritang’ani twakobakire ase engencho y’ense engima, eye gwatongete na korenda asere; ase engencho y’emeroberio y’obotongi bwao na ase ebiegwa ebinge bi’obuya.

Na mono nigoro yaito intwe aba twagwete kogotogia ase engencho y’obwanchani bwao. Goika okamorua Omwana oo Yeso Kristo.

Amang’ana aya abwatetie inse aa nigo akoonchoka-onchoka kobwatekana ne chingaki chi’omwaka bw’ekanisa. Ase igo soma ayio oka arengete chingaki chi’omokubio oyo; kagwakoorire gasoma genderera ekaratasi …. Aye Tata …

ASE CHINGAKI CH’OKOGANYA (OKOIBORWA GWA KRISTO)

… egesaku kiao keyarore amakumia y’ogocha kwaye, erio aikerane ase ebisaku bionsi ayakwanetwe nababani.

ASE CHINGAKI CHI’OKOIBORWA KWAYE KRISTO

… oiboirwe ase engencho yaito, akaba mwanyabanto bori, akabogoria omomwanyabanto bori, akabogoria obomwanyabanto bwaito goetera ase Omoiseke Omwekungi Mariamu ase Okobua kw’Omoika Omochenu, akaba nomobere oyo oito atari na kebe erinde atosibie ebibe biaito.

ASE CHINGAKI CHI’OKOMANOKA

… erinde goetera ase chingencho chiaye chi’ekeene chia kemwanyabanto tonyare komanorerwa obonge bw’obonene bwao.

ASE CHINGAKI CHIE RITUKO RI’OMONENE RIA 9-6 EPASAKA ETARAIKA

… koimokia obomwanyabanto bwaito, erinde abue ebibe na amakweri na gotokora abasibore, tobe abanyamwando b’oboruoti bwaye.

ASE CHINGAKI CHI’OGOCHANDWA KW’OMONENE (KWARESIMA)

… erinde buna abogoretie ebibe biaito tonyare kobarwa abakure ase amang’ana ‘ebibe tobe moyo ase amang’ana y’oboronge.

ASE CHINGAKI CHI’OMOKUBIO OMOCHENU

… erinde atotoorie ase enchera y’omosalaba; ase egencho goetera omonto oyomo ebibe bigasoa ase ense, na goetera ebibe ebi amakweri, boigo goetera amakweri y’omonto oyomo Yeso Kristo obuya bwabuire nonya ngoika obogima bwa kare na kare.

ASE CHINGAKI CHI’EPASAKA

… na komobokia korwa ase abakure. Nere Emanwa y’Eng’ondi y’Epasaka, eyaruetwe ekeng’wanso ase engencho yaito, ekaimokia ebibe bi’ense. Ase ogokwa kwaye osiririe amakweri, ase okoboka kwaye korwa ase abakure otoiraneirie anaende obogima bwa kare na kare.

ASE RITUKO RIOKOGENDA IGORO GOIKERA PENTEKOSTE

… kabokire korwa ase abakure akororekana maiso marore na aborokigwa baye. Akagenda Igoro bamoroche erio atosabere bosio bwao na gotoariganeria aase, erio naintwe toike na komenya aaria asare na gosanga amo nere ase obonene.

ASE CHINGAKI CHIA PENTEKOSTE

… kabokire korwa ase abakure akagenda Igoro ya Igoro na goikaransa ase okoboko kwao kwa borio. Akabaitororera abana bao abachore Omoika Omochenu buna abarierete eira. Ase igo abanto bonsi igo bakogoka ase okoraria kw’obuya bwao na kogotogia ase emenwa yabo yonsi ase omochengo.

ASE RITUKO RI’OBOTATO OBOCHENU NE CHINGAKI CHIKOBWATIA

… kobogoria obomwanyabanto bwaito, erio abue ebibe na amakweri na gotokora abasibore erinde tobe abayamwando b’oboruoti bwaye.

Aye Tata, twagotogirie ase Omoika oo Omochenu. Ase engencho ime yaye twamanyire ng’a gwatobekire ekemanyererio goetera ebatiso, tobe abao erinde tonyare koyararia amokora ao y’ogokumia, aye gwatorangeretie korwa ase omosunte na gotosoyia ase obonene bw’omobaso oo. Ase igo naintwe twabwatanireamo nabamalaika abanene, na abatotang’anerete, ababani, abatomwa na omoganda o Igoro boigo, tokogotogia na gokobaka botambe togotera:

(Baonchokerete egesasimero)

Bonsi:

Omochenu, Omochenu, Omochenu,

OMONENE Nyasae

bw’Emeganda,

Igoro na Ense yaichoirwe

n’Obonene bwao.

Hosiana Igoro! Nasesenirie

Oy’ogocha ase Erieta ri’Omonene,

Hosiana!

OGOSABA OKONENE GW’OKOIRANERIA NG’A MBUYA MONO

Omorisia:

Obonene nobwao, aye Tata o Igoro, goetera ase amabera ao amanene okamorua Omwana oo Yeso Kristo, erinde bonsi abamwegenete babe nobogima bwa kare na kare. Aye Tata, twagosabire otoigwa erinde intwe tokonyora omogati oyo na egekombe eke buna Omwana oo atochigete, tobe abasangi b’omobere na amanyinga aye y’erigori rinene ase ogotooreka gwaito.

(Omorisia aonchokere omosangererekano)

Omorisia:

Abogorie omogati na goteba iga:

OBOTUKO BORIA OMONENE OITO YESO KRISTO ARUETWE AKABOGORIA OMOGATI, NERE GAKORIRE GOAKA MBUYA MONO, AKAYOSAMUNYORA AKABAA ABOROKIGWA BAYE OGOTEBA: BOGORIA MWENSI MORIE. OYO NORO OMOBERE + ONE OYORUETWE ASE ENGENCHO YAINO. KORA IGA ASE OKONG’INYORA INCHE.

Omorisia abogorie egekombe atebe:

NABOIGO KABAKORIRE KORIA AKABOGORIA EGEKOMBE, AGASABA, AKABORA: KANYWE MWENSI ASE EGEKOMBE EKE, EKIAGERA AYA NAMANYINGA + AANE Y’OKOBWATANA OKOYIA, AGOITEKA ASE ENGENCHO YAINO NA ASE ENGENCHO YABANGE ASE OKWABERWA KW’EBIBE. KORA IGA KERA EKERO MOKONYWA ASE OKONG’INYORA INCHE. AMINA.

(Omorisia aonchokere egesasimero)

Bonsi batere:

Aye Tata,

Ogokwa kwaye nogokoraria tore,

Okoboka kwaye ntwancheranete,

Okoirana kwaye ntogosemeretie.

Obonene nobwao, Omonene.

Omorisia:

Ase igo, Aye Tata, twakoeire ebako na ogotogia ase engencho y’Omwana oo Yeso Kristo, oyobweruete ase omosalaba rimo rioka ase engencho yaito, twakobakire, Aye Tata, ase engencho y’okoboka kwaye ase okobua na okogenda kwaye Igoro ase ogotosabera botambe. Naye otoigwe asere twagosoroire, taichorwe n’Omoika oo Omochenu, erinde tobe nobomo ase Ekanisa yao eyio ogosangereria korwa ase ebisaku bionsi; Asere na ime yaye ebe asore Nyasae Tata Omobui, ase omo bw’Omoika Omochenu, ogosika gwonsi na obonene botambe goika kare na kare. Amina.

Bonsi batere:

Omosang:

Ogosesenia na okiraneria ng’a mbuya mono, nobobui nobwao Nyasae oito goika kare na kare. Amina.

OGOSABA KW’OMONENE

Bonsi babeke amaru inse:

Bonsi:

Tata oito ore Igoro,

Erieta riao risikwe,

Oboruoti bwao boche,

Ogwancha kwao gokoreke ense

Buna kogokoreka Igoro.

Otoe intwe rero endagera yaito,

Otwabere ebibe biaito,

Buna intwe tokobaabera abagotokorera bobe.

Totoira ase ogoteemwa,

Korende ototoorie korwa ase oria omobe.

Naki oboruoti, ne chinguru, na obonene nobwao emiaka na emiaka.

Amina.