διαθηκη: Ogosasima Okonene Kwe Rituko Ri’Omonene---Draft for proofreading

Ogosasima Okonene Kwe Rituko Ri’Omonene

Moterere Omonene p. 257-282

[I have introduced several corrections to typographical errors in Moterere Omonene, however I am sure that I have introduced more typographical errors. This text is for proof reading before setting the text to the musical parts.]

Ensemo ye ritang’ani: Ogosasima gw’okorandia

I. Okwearigania: Ogweita na Okorusigwa

Kw’ebibe

(Omotang’ani aonchokere omosangererekano)

Omotang’:

Ase erieta ria Nyasae Tata, neri’Omwana, neri’Omoika Omochenu.

Omsang:

Amina.

Ogotera

Omotang’:

Omonene Nyasae oito nao are aiga, nao are amo naintwe. Tomosasime, tomosike, naende tomoigwere buna agotworokereria ase Ring’ana riaye. Mwanche Omonene Nyasae oo nenkoro yao yonsi, na omoyo oo bwonsi, ne chinguru chiao chionsi, na obong’aini bwao bwonsi, na omoamate oo buna bweanchete.

Gose:

Ninche Omonene Nyasae oo, toba nechinyasae chinde otatiga inche. Toriatora bosa erieta ri’Omonene Nyasae oo, ekiagera Omonene tagotiga komoa egesusuro oyokoriatora erieta riaye bosa. Rinyore rituko ri’Omonene, orichene. Basike iso na nyoko. Toita, totomana. Toiba. Tomoriera omoamate oo oborimo. Tobasia kogania enyomba y’omoamate oo. Tobaisa kogania omokungu bw’omoamate oo gose omosomba oye, gose eng’ombe yaye gose kende gionsi are nakio.

Omtang’:

Okogonya gwaito nase erieta ri’Omonene,

Omsang:

Oyotongete Igoro na ense.

Ogweitia kwe’ebibe (Confessio)

(Omotang’ani aonchokere omosangererekano)

Omtang’:

Abanchwa ase Omonene, toigore chinkoro chiaito, tomweiterie Nyasae ebibe biaito.

Bonsi babeke amaru inse.

Gose:

(Omotang’ani aonchokere egesasimero)

Nyasae, Omobui o bionsi, Tata bw’amabera, inche inde omotaka naende otari na nguru na oiboretwe ase chingencho chi’ebibe, neitirie ase obosio bwao ebibe biane bionsi, ebio nakorire ase ebirengererio na ase amang’ana na ase ogokora. Nakogechirie ara aange. Nagweneire ara aange. Nagweneire egesusuro kiao aiga ase ense nonya ngoika kare na kare. Korende nechandire ase ebibe biane na kobiorokia ase ekeene. Nagosoroire ase amabera ao amanene onyabere na gontooria inche inde omotaka na omonyene ebibe. Aye Omonene, onyabere ebibe biane bionsi, ong’e chinguru chi’Omoika oo Omochenu, ntware obogima oboyia. Amina.

Nyasae Omobui, Tata o Igoro, ngweitia inde ng’a nagokoreire ebibe aye nabaamate bane, ase ebirengererio ase amang’ana, na ase ogokora. Nagosoroire onyabere. Ase engencho yaye Yeso Kristo onyabere ebibe biane bionsi. Onchene n’Omoika oo Omochenu. Otoererie ebirengererio biane na ombuere kobaabera abaamate bane, erio inyare kogokorera aye ase oboyia bw’obogima, ase obonene bw’erieta riao richenu. Amina.

Okorusigwa kw’ebibe (Absolutio)

(Omotang’ani aonchokere omosangererekano)

Nyasae, omonyene chinguru chionsi, namabera, otwabeire, akamorwa Omwana oye omomoima atokwere ase omosalaba. Ase engencho yaye obaabeire ebibe biaino bionsi. Amina.

Gose:

Ogwitia oko gakorabe ogw’ekeene naende imoganetie ase chinkoro chiaino chionsi okwaberwa kw’ebibe ase enchengo ya Yeso Kristo; bono ase chinguru chie Ring’ana riaye na ogochika kw’Omonene oito Yeso Kristo nkobarareria inde ng’a: Nyasae ase obuya bwaye obaabeire ebibe biaino bionsi; ase erieta ria Tata, neri’Omwana, neri’Omoika Omochenu. Amina.

II. Ogosaba na Ogotogia ase Nyasae

ANTIFON N’EZABURI

Ase okobwtia ebiro bi’omwaka bw’ekanisa

Rigereria ekaratasi 536-577

OMONENE OTWABERE (KYRIE)

Goterwe ase okoererania

(Omotang’ani aonchokere omosangererekano)

Omotang’:

Tomosabe Omonene ase omorembe.

Omosang:

Omonene otwabere.

(Omotang’ani aonchokere egesasimero)

Omotang’:

Aye Omonene, twagosabire omorembe bw’ense engima, nobomo bw’ekanisa ya Nyasae.

Omosang:

Omonene otwabere.

Omotang’:

Aye Omonene, twabasabeire bonsi abagosoa byomba mwao bakogosasima na kogotogia.

Omosang:

Omonene otwabere.

Omotang’:

Aye Nyasae, otokonnye ototoorie, otororere amabera nagotorenda ase obuya bwao.

Omosang:

Amina.

Gose:

(Omotang’ani aonchokere egesasimero)

Omotang’:

Kyrie, eleison

Omosang:

Omonene otwabere.

Omotang’:

Kyrie, eleison

Omosang:

Kristo otwabere.

Omotang’:

Kyrie, eleison

Omosang:

Omonene otwabere.

Omotang’:

Omonene otororere amabera.

Omosang:

Kristo otwabere.

OBONENE ASE NYASAE (GLORIA IN EXCELSIS)

(Omotang’ani aonchokere omosangererekano)

Omotang’:

Obonene nobwa Nyasae aria Igoro Mono.

Omosang:

Omorembe ase ense ase abanto bagweneirwe nere.

Omosangererekano otere ogotera okomo kwabo koreng’ana nebiro bio’omwaka bw’ekanisa.

Ande:

(Omotang’ani aonchokere egesasimero)

Nyasae atogigwe bweka

Airanerigwe mbuya mono

Ase amabera amanene atokoreire,

Nyasae agatwancha mono,

Ase engencho eye otoeire

Komenya buya.

Gose:

Omotang’:

Twagotogirie, twakoimokereirie igoro,

Omosang:

Twagosasimire takoeire obonene

Omotang’:

Twakoiraneirie ng’a mbuya mono ase engencho y’obonene bwao.

Omosang:

Omonene Nyasae,

Omotang’:

Omoruoti o Igoro

Omosang:

Nyasae Tata Omobui

Omotang’:

Aye Omonene bweka, Yeso Kristo

Omosang:

Omonene Nyasae, Emanwa y’eng’ondi ya Nyasae.

Omotang’:

Omwana o Tata oyokorusia ebibe biense.

Omosang:

Otwabere.

Omotang’:

Aye oyokorusia ebibe bi’ense

Omosang:

Oigwe ogosaba gwaito

Omotang’:

Aye oikaransete okoboko gw’okorio kwa Nyasae Tata.

Omosang:

Otwabere

Omotang’:

Ase engencho naye bweka ore Omochenu.

Omosang:

Naye bweka Omonene.

Omotang’:

Naye bweka ore Igoro.

Omosang:

Yeso Kristo.

Omotang’:

Amo n’Omoika Omochenu

Omosang:

Ase obonene bwa Nyasae Tata. Amina.

Gose:

OGOTERA KW’OGOCHANDWA:

Ogotera M.O. 81

Emanwa y’eng’ondi ya Nyasae

`nyenywa ase omosalaba

Kwaremereirie mono

Nonya gwachayirwe

Kwabogoirie ebibe

Tonyare gotooreka,

Otororere amabera Yeso.

Ogotera M.O. 75

Emanwa y’eng’ondi aakana amasira

y’ense, Ayabogoria amamocho

‘bamochi bonsi

Agenda kaigwete bobe, ancha

konyenywa,

Omogoko ayotiga. Bamonachera

ekina,

Bamoaka, bamorama,

Bamochanda, ateba: nanchire.

Gose:

OGOTERA GW’OKOBOKA - EPASKA:

Ogotera M.O. 104: Tomotogie Nyasae

Gose:

ENGAKI Y’OKOIBORWA GWA KRISTO:

Ogotera M.O. 14

Rituko richenu, rire ri’omogoko

rigaika ase ense. Omotooria abakwe

ase ense engima na obuya bwa

Nyasae borandigwe.

Gose:

PENTEKOSTE:

Ogotera M.O. 117

`Kero ki’omogoko, `kero

ki’obogima, twarenteretwe Omoika

III. OKOKORERI BW’ERING’ANA RIA NYASAE

AMAKWANIA NA OGOSABA (SALUTATIO NA COLLECT)

(Omtang’ani aonchokere omosangererekano)

Omotang’:

Omonene abe nainwe

Omosang:

Abe nenkoro yao

Omotang’:

Tosabe.

(Omtang’ani aonchokere egesasimero)

Saba ogosaba kwa bene kwe rituko

ri’Omonene ase okobwatia ebiro

bi’omwaka bw’ekanisa

Rigereria ekaratasi ya 449-530

OGOSOMA KWE RIRUBE (EPISTOLA)

(Omotang’ani aonchokere omosangererekano)

Tegerera Ring’ana ria Nyasae, ogosoma kw’eritang’ani kwe rituko ri’Omonene ria rero rikorokwa …. Buna riarigwete ase …

Ekero gwakorire gosoma koora na:

Amina.

OGOTERA OGOSOMA GW’ENJILI (EVANGELIO)

(Omotang’ani aonchokere omosangererekano)

Omotang’:

Naende tagere Ring’ana ria Nyasae, buna riarigetwe ase …

Ring’ana ritarasomwa omosangererekano oiranerie:

Omosang:

Obonene nobwao aye Omonene.

Omotang’:

Asome enjili eyio. Ekero akoorire gosoma akoore na: Amina.

Omosang:

Omonene Yeso twakoiraneirie ng’a mbuya mono.

Onye amasomo are ane, koria gw’okorandia gosomwe ekero okwegena kw’Egekristo gotaraorokigwa.

OKOOROKIA GW’OKWEGENA (CREDO)

Okwegena kwa Nikea nabo korakwanwe chingaki Emesa y’Omonene ebwatetie gose amatuko amanene y’omwaka bw’ekanisa.

(Omotang’ani aonchokere omosangererekano)

Omotang’:

Toorokie amo twensi okwegena gwaito kw’egekristo kogotobwatania intwe nabakristo bonsi ase ense engima.

OKWEGENA KW’ABATOMWA

Bonsi:

Negenire ase Nyasae, Tata Omobui, Omotongi o Igoro na ense,

Negenire ase Yeso Kristo Omwana oye omomoima, Omonene oito, obetwe morito ase Omoika Omochenu, akaiborwa nomoiseke omwekungi Mariamu, agachandwa ase obogambi bwa Pontio Pilato, akabambwa ase omosalaba, agakwa, agatindekwa, agaika ase obosiru. Rituko ria gatato akaboka naende, akabua amakweri, akagenda Igoro.

Bono nao aikaransete ase okoboko gw’okorio gwa Tata, Nyasae Omobui, nao ararwe ache kobanachera ekina abare moyo na abakure.

Negenire ase Omoika Omochenu, na Ekanisa Enchenu ere ase ense yonsi, na Obomo bw’Abachenu, na Okwaberwa kw’Ebibe, na Okobokigwa kw’omobere kore n’Obogima bwa kare na kare. Amina.

Gose:

OKWEGENA KWA NIKEA

Twamwegenire Nyasae oyomo, Tata Omobui, Omotongi o Igoro na ense na bionsi ebikororekana na ebitakororekana.

Twamwegenire Omonene oyomo, Yeso Kristo, Omwana omomoima o Nyasae, Omwana bwa Azari* ot Tata; Nigo are Nyasae korwa ase Nyasae, Nigo are omobaso korwa ase omobaso, Nigo are Nyasae ekeene korwa ase Nyasae bw’ekeene; Omwana bwa Azari* oyotatongetwe, oyore nobonyasae amo na Tata; asare ere oyo ebinto bionsi bigatongwa. Oyoigete korwa Igoro ase engencho yaito mwanyabanto na ase ogotooreka gwaito, akabogoria omobere ase okobua kw’Omoika Omochenu ase omoiseke omwekungi Mariamu, akaba mwanyabanto; Akabambwa ase egencho yaito chingaki chia Pontio Pilato, agachandwa, agatindekwa. Rituko ria gatato akaboka buna Amariko Amachenu agokwana; Akagenda Igoro, nao aikaransete ase okoboko gw’okorio gwa Tata; Nariane naende ase obonene kobanachera ekina abare moyo na abakure. Na obouoti bwaye tibori na moerio.

Twamwegenire Omoika Omochenu Omonene, Omorua obogima, oyokorwa ase Tata na Omwana, oyogosasimwa na gotogigwa amo na Tata n’Omwana, oyokwanete goetera ase emenwa y’ababani. Ntwegenete Ekanisa eyemo, enchenu, ey’egekristo, ere ase ense yonsi e’ekebotomwa. Ntwancheranete ebatiso eyemo ase okorusigwa kw’ebibe. Ntosemeretie okobokigwa kw’abakure na obogima bw’ense eria egocha. Amina.

Azari * engencho yaye “oyokare” “tabwati omochakano”

OGOTERA

OKORANDIA

AMARARIO (Amarario aya abe arikire)

OGOTERA

IV. OKORUA ESADAKA NA AMASABO (OFFERTORIUM NA INTERCESSIO)

OKORUA ESADAKA

OGOTERA (ABATERI)

OGOSABERA ESADAKA

(Omotang’ani aonchokere egesasimero)

Omotang’:

Nyasae Omonyene obuya, kwamorure Omwana oo omomoima Yeso Kristo, akwe ase engencho y’ebibe biaito, erinde tonyare kobarerwa oboronge erio tobe abasangi b’Omoika Omochenu. Twagosabire oyenyore esadaka eye twakorenteire bono, emebere ne chinkoro chiaito, bibe ekeng’wanso ekere moyo kegokogokia na egechenu ase obosio bwao, ase Yeso Kristo, Omonene oito. Amina

Gose:

Aye Nyasae omonyene obuya na amabera, gwatoichoire nobuya obonge. Ase igo twagosoroire obinyore ebiegwa bi’abanto bao. Ase obwanchani bwao obikore, birente okwama kwa bokemoika erinde oboruoti bwao borarigwe aiga na ase ense yonsi, ase Yeso Kristo Omwana oo. Amina.

(Bonsi batenene baereranie bakwane)

Omotang’:

Ninkin indamoe Omonene?

Omosang:

Ase oboitongo bwaye bwonsi anokoreire?

Omotang’:

Ninkenyore egekombe ki’ogotooreka.

Omosang:

Na koriraria erieta ri’Omonene.

Omotang’:

Aye Omonene ekeene inche nomokoreri oo,

Omosang:

Gwachisiboire chingatare chiane.

Omotang’:

Ninkoruere ekeng’wanso ki’ogotogia,

Omosang:

Na koriraria erieta ri’Omonene.

Gose:

Omontang’:

Nimotogie Omonene nenkoro yane yonsi.

Omosang:

Ninyararie amokoro onsi y’ogokumia.

Omontang’:

Ninkogokere na kogochengera;

Omosang:

Ninterere erita riao, aye oyore Igoro.

OGOSABA OKONENE KW’OGOSABERANA (INTERCESSIO)

(Omontang’ani aonchokere egesasimero)

Omotang’:

Tosabe.

Nyasae Omobui, Tata bw’Omotooria oito, twakoiraneirie ng’a mbuya mono ase engencho gwatokorire egesaku egechenu ase Yesu Kristo. Twagosabire otorende ase ogotooreka okwo ase ebibekerero bi’obuya, ebio bire amarandia na Esakaramenti erio tomenterwe ebiegwa bia bokemoika tomenyete n’Omwana oo Yeso Kristo, otoigwe.

Omosang:

Omonene, otoigwe.

Omotang’:

Aye Omonene Yeso Kristo, oyore Omotwe bw’Ekanisa twagosoroire ase engencho y’abakoreri bao ase ekanisa engima, na mono komosabera Omonene oito bw’Ekanisa (atora erieta riaye) naende Omoaskofu oito bw’Edayosis ya (atora erieta) na abakoreri bao bonsi, baichorwe n’ekeene na obomoyo bwa komoika, erio titoremerwa nomobaso bwe ring’ana riao. Twamosabire Omoika bw’ekeene na obwanchani ase egati yaito, tokiine ase obomo, tokobere kirori ase ense yonsi. Twabasabeire abaminto abasirire ese engencho y’ogosaria na amorokererio ‘borimo, bakoiranere ase chinguru chi’ekeene kiao. Twabasabeire abanto bonsi b’ebisaku bionsi abwo bamenyete ime y’omosunte batakomanyeti aye na okoboorigwa kore ase Kristo, batooreke. Twasabire aya ase erieta riao, otoigwe.

Omosang:

Omonene, otoigwe.

Omotang’:

Nyase omony

Amabera origererie ense yonsi ase amabera ao; otoe omorembe ase egati y’ebisaku obarae abanene b’ense engima ase enchera y’oboronge. Mono twamosabeire Omonene bw’ense yaito ya Kenya (atora erieta riaye) amo nabanene bonsi b’esirikari na bonsi abare nokobua ase ense yaito, bagambe ase oboronge na ase ekeene, twensi tomenye ase omorembe na obotoereru na ense enyore ogokiina okuya.

Oyesesenie emeremo ya kera engencho, eyio yancheire: eya mogondo na ase ebinto bikoroiserigwa, amo noboonchoreria na ebiegwa bionsi bi’obokoreri abanto bonsi banyare komenya buya, ase Omwana oo Yeso Kristo. Otoigwe,

Omosang:

Omonene, otoigwe.

Omotang’:

Omoika Omochenu, aye oreo botambe nekanisa yao, twagosabire otoichorie intwe aba omosangererekano oyo nenchinguru chi’okobokigwa kwa Yeso Kristo, erio kera rituko togotogie aye ase obogima na emeremo yaito. Aye Omonene Nyasae twabasabeire abakoreri bonsi b’omosangererekano oyo abagokora emeremo ao ao ime y’ekanisa; ime y’esirikari na ande onsi. Twabasabeire abaraai be chikanisa chiaito, omorisia, abarandia na abagaka, obae omobaso oo na oboraai ase emeremo yabo.

Twabasabeire abaibori bonsi, babarere abana babo, bakiine ase obuya bw’ebatiso yabo, bakomanye aye. Twabasabeire bonsi abare nemechando ya kemoika na kemobere. Obainyore ababoraka na abana chintakana abare nobororo na emechando, amo nabarwaire na mono twamosabeire (atora erieta gose amarieta y’abarwaire). Twakoiraneirie ng’a mbuya mono ase engencho y’abwo bonsi bakure ase okwegena, otobuere tobwatie omowegena, otobuere tobwatie omogwekano obo, erio naintwe tokwe ase okwegena na koyoikera omando oito o Igoro. Ase Yeso Kristo. Otoigwe.

Omsang:

Amina.

Gose:

(Omotang’ani aonchokere egesasimero)

Omotang’:

Tosabe.

Nyasae Omobui, Tata o kare, oyee Ekanisa yao ase ense engima obomo na omorembe; oyekongi’e ekero egochandwa ase engencho y’erieta riao; na koyebuera korareria ebisaku bionsi enjili yao.

Twagosoroire.

Omosang: